Manaj: Ky është miku im më i mirë te Interi

Rey Manaj, sulmuesi i Interit, ka dhënë një intervistë për Inter Channel ku i është përgjigjur pyetjeve të tifozëve zikaltër.

Fillimisht ka folur për fitimin e Kupës së Italisë me të rinjtë ku ai shënoi edhe një gol mjaft të bukur.

“Jam shumë i kënaqur për të gjithë djemtë e Primaverës që për gjithë vitin kanë punuar për këtë objektiv. I lumtur për golin, por edhe për shokët, trajnerin dhe të gjithë ambientin zikaltër.”

Më tej ai foli për debutimin e tij, raportin me shokët e skuadrës, aspektin në të cilin duhet të përmirësohet, ndërkohë që thekson se zgjedhja e Interit ishte krejtësisht natyrale pasi që i vogël është tifoz i kësaj skuadre.

“Debutimi

Çdo lojtar ka emocione, por nuk ishte ndeshja ime e parë. Kisha emocione, por aq sa duhet”.

Raporti me shokët e skuadrës?

Në skuadrën e parë të gjithë më trajtojnë mirë. Ia kaloj shumë mirë me Medelin, i cili më këshillon dhe më flet kur gaboj.

Ku duhet të përmirësohem?

Kudo, në lëvizjet në fushë, por kryesisht në goditjet me kokë, sepse shënoj shumë pak me kokë.

Mbrojtësit më të mirë që kam luajtur?

Ata të Interit.

Pse erdhe te Interin?

Kishte shumë skuadra të interesuara, por unë kam qenë interist dhe kur në qershor mësova për interesimin e Interit nuk pata dyshime mes Interit e Juves.