Manchester United është i gatshëm të dërgojë Luke Shaw në Tottenham Hotspur në këmbim të shërbimeve të Danny Rose.
Djajtë e Kuq janë të etur për të përforcuar edhe më shumë skuadrën e tyre për të rivalizuar me rivalët e Cityt për titullin e Ligës Premier.
Sipas The Sun, Mourinho është i gatshëm të shesë Shaw në Tottenham këtë afat kalimtar të verës - me Rose të vendosur për drejtimin e kundërt.
Trajneri i Unitedit besohet të jetë irrituar me marrëdhënien e mbrojtësit me ish-trajnerin e tij të Southampton, Mauricio Pochettino, i cili tani është përgjegjës në Spurs.
Shaw nuk është pjesë e planeve të Mourinhos (Getty Images)
Shaw me sa duket do të mirëpriste një fillim të ri, pasi kishte mbetur si zgjedhje e dytë prapa Ashley Youngit në formacionin e skuadrës nga Old Trafford.
Rose pëlqehet shumë nga Special One (Getty Images)
22-vjeçari ka filluar vetëm gjashtë ndeshje të ligës këtë sezon, me katër nga 18 paraqitjet e tij që vijnë për ekipin U-23.
Rose, gjithashtu, ka luftuar për kohën e lojës këtë sezon pas verës së kaluar duke lënë të kuptohet se donte të largohej dhe të rriste pagën e tij aktuale.
Unitedi thuhet se është gati të ofrojë edhe para për transferimin e Rose, përveç shërbimeve të Shaw. /Telegrafi/
