Momenti kur intonohet Himni Kombëtar për Majlinda Kelmendin në Pejë (Video)

Majlinda Kelmendi ka fituar medaljen e artë në Lojërat Olimpike në kategorinë 52 kilogram në sportin e xhudos.

Kjo ka bërë që xhudistes ti organizohet një pritje fantastike me të arritur në Prishtinë prej institucioneve shtetërore dhe qytetarëve që kishin dal në rrugë ta presin kampionen.

Intonimi i Himnit Kombëtar për nder të Majlinda Kelmendit

Majlinda Kelmendi është pritur në një atmosferë madhështore të Pejës, transmeton Telegrafi.

Me këtë rast, xhudistja pejane ka folur para mijërave qytetarëve duke premtuar edhe suksese të tjera.

Lexo po ashtu Kjo është motra e Majlinda Kelmendit, gruaja e Driton Kukës (Foto)

“Faleminderit të gjithëve. Jam shumë e lumtur dhe emocionuar për këtë pritje”, tha shkurt Majlinda.

Ka folur edhe Driton Kuka, trajneri i xhudistes kosovare, i cili ka falënderuar të gjithë të pranishmit në sheshin pejan, duke premtuar se ky nuk do të jetë suksesi i fundit. /Telegrafi/

Majlinda Kelmendi ka arritur në qytetin e Pejës.

Mijëra qytetarë kanë dal në sheshin kryesor ta presin kampionen olimpike, e cila pritet ti adresohet masës së mbledhur.

Kujtojmë se xhudisja kosovare ka fituar medaljen e artë në Lojërat Olimpike të Rios në kategorinë 52 kilogram.

Kryetari i Pejës, Gazmend Muhaxheri dhe shumë qytetatë i kanë organizuar një pritje të ngrohtë në Hotel Dukagjini kamnpiones olimpike.

“Është ndjenë e veçantë ta pres Majlindën. Shpresoj se nuk do të jetë vetëm hera e parë”, ka thënë shkurt Muhaxheri.

https://www.youtube.com/watch?v=36VUMLXP48w&feature=youtu.be

Majlinda Kelmendi arrin në Pejë

Majlinda Kelmendi pas pritjes madhështore në Prishtinë ka arritur në qytetin e lindjes, Pejë.

Fillimisht, xhudistja kosovare është pritur prej kryeministrit Isa Mustafa dhe disa ministrave në Aeroportin Ndërkombëtar të Prishtinës, “Adem Jashari”.

Lexo po ashtu Majlinda Kemendi merr rrugën drejt Pejës (Foto/Video)

Më pas fituesja e medaljes së artë në Rio me anë të një autobusi të hapur ka bërë një shëtitje në kryeqytetin e Kosovës, transmeton Telegrafi.

Pas pritjes madhështore dhe të ngrohtë në Prishtinë, Majlinda, Nora Gjakova dhe trajneri i tyre, Driton Kuka ishin nisur për në qytetin pejan, ku po i priste një atmosferë fantastike.

Kujtojmë se xhudistja kosovare ka fituar medaljen e artë në Lojërat Olimpike të Rios në kategorinë 52 kilogram pas triumfit ndaj italianes Odette Giufridda. /Telegrafi/