Maignan, Leao dhe The Hernandez – Tensione në kampin e Milanit pas shkarkimit të Maldinit

Drejtori ekzekutiv i Milanit, Giorgio Furlani, do të ngarkohet të zgjidhë tensionet në kampin e Milanit pas shkarkimit të papritur të drejtorit teknik Paolo Maldini.

Ish-mbrojtësi legjendar u largua nga klubi të hënën pas një takimi të shkurtër por të tensionuar me pronarin Gerry Cardinale, një situatë që i ka futur kuqezinjtë në një gjendje kaosi.

Fansat janë tërbuar nga ky veprim dhe “hashtag-u #CardinaleOut” është rritur me shpejtësi në rrjetet sociale.

Lexo po ashtu Shkarkimi i Maldinit ndryshon objektivat e transferimeve të Milanit

Maldini, i cili kaloi tërë karrierën e tij 24-vjeçare si lojtar me Milanin, ishte një figurë kyçe pas kthimit të ekipit në nivelet e larta të Serie A, duke sjellë një numër lojtarësh kryesorë që ndihmuan skuadrën të ngrinte Scudetton e tyre të parë në një dekadë.

Sipas gazetës La Repubblica, tensionet kanë filluar të krijohen mes lojtarëve të Milanit pas shkarkimit të Maldinit, një situatë që drejtori Furlani tani do të duhet të përpiqet dhe ta zgjidhë, duke filluar me rinovimin e kontratës së Mike Maignan.

Milan, primi scogli del dopo-Maldini: si complica il rinnovo di Maignan, anche Leao e Theo scontenti https://t.co/5qwVLZAYi5

— TUTTOmercatoWEB (@TuttoMercatoWeb) June 7, 2023

Rafael Leao dhe Theo Hernandez, të cilët të dy ishin të bindur nga Maldini për të përkushtuar të ardhmen e tyre në klubin kuqezi, janë gjithashtu të pakënaqur dhe situata mund t’i shtyjë ata të fillojnë të eksplorojnë planet e largimit. /Telegrafi/