“Macja me nëntë shpirtra”, në një breg, me dollarë në duar: Ushtria izraelite publikon një fotografi të ‘komandantit ushtarak në hije’ të Hamasit

Ndërsa është në kërkim të tij, ushtria izraelite ka publikuar një fotografi të re të komandantit ushtarak në hije të Hamasit duke mbajtur “një tufë dollarësh amerikanë”.

Sipas mediave të huaja, përcjell Telegrafi, imazhi tregon Mohammed Deif, udhëheqësin e Brigadave Izz ad-Din al-Qassam të grupit, duke shikuar orën e tij teksa mban një tas plastik gjysmë të mbushur në njërën dorë dhe një tufë kartëmonedhash dollarësh amerikanë në tjetrën.

Ai thuhet se u gjet në mesin e rreth 70 milionë dosjeve dixhitale që Forcat e Mbrojtjes të Izraelit (IDF) thanë se kishin zbuluar në Gaza, ku ai besohet se fshihet në rrjetin e përhapur të tuneleve nëntokësore të grupit.

Lexo po ashtu "Mund të dëgjohej jashtë dhomës": Po diskutohej për Gazën, përplasje e ashpër mes ministrave dhe shefit të ushtrisë së Izraelit

I quajtur “Mysafiri” për zakonin e tij për të lëvizur vazhdimisht brenda enklavës për të shmangur zbulimin nga izraelitët, ai besohet të ketë qenë përgjegjës për orkestrimin e sulmit të Hamasit më 7 tetor.

Ushtria izraelite nuk tha se kur dhe ku u shkrep fotografia, apo saktësisht se si dhe ku forcat e saj e morën imazhin.

Imazhi i ri tregon 58-vjeçarin me flokë të thinjur i ulur në një breg dhe përkrah një burri të paidentifikuar, i cili duket se po numëron një sasi dollarësh amerikanë.

Çfarë vihet re është fakti se atij “i mungon njëri sy”.

Lexo po ashtu Frika e një sulmi tjetër nga Hamasi, gazetarja izraelite e lajmeve mban një armë gjatë transmetimit të drejtpërdrejtë në studio

Një figurë në hije, ai ka qenë në listën e më të kërkuarve të Izraelit për gati tre dekada dhe i ka mbijetuar të paktën shtatë tentativave për vrasje që e lanë atë pa një sy dhe probleme në lëvizje.

I lindur në Khan Younis në Gaza në vitin 1965, ai është përshkruar si “Macja me nëntë shpirtra” për shkak të numrit të atentateve që i ka mbijetuar. /Telegrafi/