Mac Allister ndihet ‘shumë i qetë’ mes thashethemeve për ofertën e Liverpoolit

Mesfushori i Brighton, Alexis Mac Allister ka thënë se po qëndron i qetë mes thashethemeve për një transferim të te Liverpooli.

Thuhet se Reds janë afër marrëveshjes për 60 milionë funte apo 70 milionë euro me Brighton për mesfushorin argjentinasin.

Megjithatë, mesfushori kreativ ndihet i qetës për çfarëdo lëvizje këtë verë dhe nuk do nervozohej edhe po te mbetej te Brightoni.

Lexo po ashtu Liverpooli po ia plotëson dëshirën Mac Allisterit vetëm që ta ketë në Anfield

“Jam shumë i qetë sepse kam gjithashtu mundësinë të jem në një klub si Brighton që më shoqëroi në çdo kohë dhe në të cilin më pëlqen shumë të jem”, ka thënë fillimisht Mac Allister për Infobae.

“Nëse nuk më duhet të largohem nga klubi do të vazhdoj të jem shumë i lumtur aty, por jam i vetëdijshëm që ka mundësi për të lëvizur dhe nëse vjen një ofertë e mirë për klubin dhe për mua, ne do ta vlerësojmë atë”.

“Nuk kam asnjë dyshim se Liga Premier është liga më e mirë për të luajtur dhe kjo është arsyeja pse jam i vetëdijshëm se do të doja që klubi im i ardhshëm të ishte në Premier. Më pëlqen shumë të jem aty”.

Lexo po ashtu Ëndrra e Jurgen Klopp: Ky pritet të jetë formacioni startues i Liverpoolit me katër nënshkrime të reja

“Objektivi është të vazhdoj të përmirësohem si person, si lojtar, për të fituar më shumë tituj. Mendoj se ky është objektivi im afatshkurtër dhe do të jetë gjithmonë, sepse unë do të jem gjithmonë i njëjti person dhe do të dua të jem pak më mirë se një ditë më parë, ndaj fokusohem shumë në këtë”.

“Nuk do të ankohem, jam 24 vjeç, jam kampion bote, luaj në një nga ligat më të mira në botë dhe ndjej se karriera ime po rritet, por ende i kam këmbët në tokë dhe unë me të vërtetë dua të përmirësohem, duke u bërë një person më i mirë dhe lojtar më i mirë çdo ditë. Do të shohim se çfarë do të sjellë e ardhmja”, përfundoi ylli argjentinas. /Telegrafi/