Lotus “Exige S”, tani me marsh automatik

Lotus paralajmëron që për vitin 2015 modeli “Exige S” do të jetë në dispozicion me marsh automatik.

Kjo risi do të duhej të ndihmonte modelin Exige që të apelojë në audiencën më të gjerë, me të cilën besohet se Lotus do të rris shitjet.

Marshi është automatik me gjashtë shpejtësi dhe është i ngjashëm me serinë e cila është ofruar për tregun evropian, por me kalibrat më specifike të “Exige S”, i cili është ngritur në nivelin sa modeli “Lotus’ 2+2”.

Karakteristikat e marshit janë kalibruar për të reflektuar karakteristikat sportive të “Exige S”, kur vozitësi zgjedh veturën në mënyrën “Sport” apo “Race”.

Marshi automatik do të jetë në dispozicion për dy modele: “Exige S Coupe” dhe “Exige S Roadster”, dhe do të jenë në shitje në të njëjtat tregje ku është shitur modeli “Exige S” që nga janari i vitit të kaluar. Lotus është në fazën finale të testimit të prototipit automatik, Exige S.

Motori i “Exige S” është 3.5-litërsh, V-6, me 345 kuajfuqi, i ngjashëm me motorin e modelit “Evora S”. Testet e para kanë treguar se kjo veturë shpejtësinë maksimale prej 0 deri 100 km/h e arrin vetëm për 3.9 sekonda me marshin automatik, i cili është më i shpejt për 0.1 sekondë se sa veturat që posedojnë marshin manual.

“Duke prezantuar marshin e ri, ne kemi zgjeruar vargun e prodhimit të modelit Exige me qëllim që të jetë më i arritshëm për konsumatorë në mbarë botën”, ka thënë drejtori ekzekutiv i Lotus, Jean-Marc Gales. /Koha/