Xhudistja nga Kosova, Loriana Kuka ka arritur të fitojë medaljen e bronztë në Kampionatin Botëror që po mbahet në Tokio të Japonisë.
Xhudo vazhdon ta bëjë krenarë Kosovën, pasi pejania Kuka i ka sjell vendit medaljen e tretë nga kampionati botëror në Tokio.
Loriana ka arritur të fitojë medaljen e bronztë në kampionatin botëror të xhudos, pasi ka fituar finalen e repesazhit.
Xhudistja jonë shënoi katër fitore, ndërsa në luftën për të bronztën mundi sllovenen Klara Apotekar me Ippon në kategorinë deri në 78 kilogramë.
Vlen të theksohet se para disa ditësh medalje fituan edhe dy xhudistet tjera, Majlinda Kelmendi dhe Distria Krasniqi.
Majlinda e fitoi të bronztën në kategorinë deri në 52 kilogramë, ndërsa Distria gjithashtu të bronztën në 48 kilogramë. /Telegrafi/
