Lopez publikon një pjesë të klipit që e kishte realizuar në kohën sa ishte e lidhur me Affleck

Jennifer Lopez ka risjellë disa momente nga e kaluara përmes një videoje të publikuar në Instagram.

Më shumë se 16 vite nga lansimi i videos muzikore të këngës “Jenny From The Block”, këngëtarja e ka publikuar një pjesë të klipit në rrjetet sociale.

Ndërkaq, vëmendjen e ka tërhequr prezenca e aktorit Ben Affleck në klip, i cili asokohe ishte i dashuri i J.Lo. Pjesa që e ka shkëputur Lopez, e shfaq aktorin hollivudian duke e ngritur lart nga uji Jenniferin.

https://www.instagram.com/p/BmpilGJFFBH

Në ndërkohë, fansat e kanë komentuar videon duke u shprehur nostalgjikë për kohën kur çifti ishte bashkë.

Ndërsa në përshkrimin e saj në Instagram, Lopez ka thënë se albumi “This Is Me…Then” ka qenë albumi më personal dhe albumi i saj i preferuar deri më tani.

Lexo po ashtu Lajmet për Lopez

Gjatë kohës kur lidhja e tyre ishte aktive, Jennifer dhe Ben njiheshin si ‘Bennifer’ në Hollywood, ndërsa krahas jetës personale, ata bashkëpunonin edhe në karrierë.

Dy aktorët kanë luajtur bashkë edhe në filmat “Gigli” (2003) dhe “Jersey Girl” (2004).

Jennifer dhe Affleck ishin fejuar në nëntor të vitit 2002 dhe e kishin caktuar datën e martesës për një vit më pas.

Mirëpo, romanca e tyre ishte zbehur, ashtu që e shtynë martesën, e cila kurrë nuk ndodhi, sepse u ndanë në janar të vitit 2004. /Telegrafi/