Lojtarët e Juventusit pranuan ulje të pagave shkaku i coronavirusit, presidenti i FIGC-së i cilëson shembull për gjithë sistemin

Presidenti i FIGC-së, Gabriele Gravina e ka përshëndetur veprimin e Juventusit, pasi stafi i tyre pranoi ulje pagash, duke i cilësuar si “një shembull për të gjithë sistemin” .

Skuadra dhe trajneri i skuadrës së parë të Juves, Maurizio Sarri, nuk do të marrin paga të plota deri në qershor, si pjesë e masës për të ndihmuar klubin të mbetet financiarisht i qëndrueshëm gjatë kohëzgjatjes së pandemisë së coronavirusit.

Këtë veprim që e ka konfirmuar Juventusi gjatë të shtunës e ka përshëndetur presidenti Gravina, i cili i ka cilësuar si shembull, ndërsa i ka falënderuar lojtarët.

Lexo po ashtu Coronavirusi: Juventusi njofton se lojtarët e tyre janë pajtuar të heqin dorë nga një pjesë e pagës

“Marrëveshja e arritur nga Juventusi është një shembull për të gjithë sistemin”, ka thënë fillimisht presidenti i federatës italiane të futbollit për ANSA.

“Falënderoj Giorgio Chiellinin, shokët e tij të skuadrës dhe Maurizio Sarrin sepse, pas bashkëpunimit që FIGC shpreson të ketë këto ditë, ata vendosën interesa të përgjithshme në bisedat e tyre me klubin”.

Lexo po ashtu Presidenti i Juventusit refuzon titullin e Serie A nëse sezoni nuk mbaron

“Uniteti dhe solidariteti në botën e futbollit përfaqësojnë përgjigjen e parë të shkëlqyeshme për urgjencën që po përjetojmë, dhe që rrezikon të bëhet edhe më serioze nëse nuk rifillojmë të luajmë së shpejti”.

“Vetëm përmes kontributit të të gjithë protagonistëve, secili prej tyre duke luajtur rolin e vet, ne do ta bëjmë futbollin më të fortë”, përfundoi Gravina. /Telegrafi/