Liverpooli udhëheq garën për transferimin e Werner, por do ta huazojë menjëherë gjermanin

Timo Werner është njëri nga objektivat kryesore të Liverpoolit për afatin kalimtar veror.

Sulmuesi gjerman po kalon nëpër një formë të shkëlqyer këtë edicion dhe është duke u kërkuar nga skuadrat e mëdha evropiane.

Liverpool, Manchester United, Chelsea, Tottenham Hotspur, Arsenal, Bayern Munich e Real Madrid po e duan gjermanin.

Por skuadra favorite për të nënshkruar me të është kampioni aktual i Evropës, Liverpooli.

Ka qenë e përditshmja gjermane Bild që ja raportuar se bisedimet mes RB Leipzig dhe Liverpoolit janë në rrugën e duhur drejt finalizimit.

The Reds janë gati të paguajnë 80 milionë euro për gjermanin dhe ta huazojnë menjëherë te skuadra aktuale Leipzig për një edicion.

Lideri i Ligës Premier dëshiron ta bëjë këtë veprim pasi qëllimi i trajnerit Jurgen Klopp është që të luaj së paku edhe për një vit me treshen Salah, Mane dhe Firmino.

Kjo ide e Liverpoolit i ka pëlqyer skuadrës gjermane që tani i ka dhënë përparësi gjigantit anglez për Wernerin.

24-vjeçari këtë edicion ka shkëlqyer ku në 35 ndeshje në të gjitha garat ka shënuar 27 gola dhe ka bërë 11 asistime. /Telegrafi/