Liverpooli ka hapur bisedimet me Napolin për huazimin e Chiesas

Liverpooli ka hapur negociatat me Napolin për një marrëveshje të mundshme huazimi për sulmuesin Federico Chiesa.

Sipas FootMercato, Napoli është i etur për të siguruar shërbimet e Chiesas dhe pritet që së shpejti të prezantojnë një ofertë për huazimin e italianit deri në fund të sezonit.

Liverpooli thuhet se tashmë është pajtuar që ta lejojnë përkohësisht largimin e tij, me idenë që të rikthehet për sezonin 2025/2026, pas një takimi me agjentin e tij Fali Ramadani.

Kontaktet kanë filluar që atëherë me trajnerin Antonio Conte dhe presidentin Aurelio De Laurentiis.

Chiesa ishte blerja e vetme e Liverpoolit gjatë verës pas largimit të Jurgen Klopp, duke iu bashkuar atyre nga Juventusi për 10 milionë euro.

Ai më herët kishte qenë njëri prej lojtarëve kryesor të Italisë në Euro 2020, por pësoi një këputje të ligamentit në fillim të 2022 dhe që prej atëherë pati probleme fizike.

Lexo po ashtu Liverpooli pritet ta rikthejë në ekip lojtarin që shkaktoi probleme në klubin ku ishte huazuar

Kjo pra mund ta arsyetojë edhe faktin pse Juventusi pranoi që ta lejojë largimin e tij për një shumë të vogël parash.

Një lëndim që pësoi kohë më parë bëri që Chiesa të mbetet jashtë fushave për dy muaj, duke bërë që ai të marrë vetëm 123 minuta me ngjyrat e Liverpoolit./Telegrafi/