Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Drejtuesit e Liverpoolit e humbën durimin dhe vendosën të heqin dorë nga Xabi Alonso dhe tashmë është e sigurt që trajneri spanjoll nuk do ta pasojë Jurgen Kloppin në stolin e Reds.

Sipas ekspertit të transferimeve Fabrizio Romano, drejtuesit e Liverpoolit tashmë janë kthyer në një zgjidhje tjetër, dhe kanë gjetur pasardhësin e Klopp në Portugali.

Domethënë, kandidati më serioz për t’u ulur në stolin e Liverpoolit nga 1 korriku i këtij vitit është 39-vjeçari Ruben Amorim.

??? Liverpool won’t wait anymore for Xabi Alonso — as Ruben Amorim will be an option already discussed internally, not the only one.

Bayern are prepared to wait until Xabi make official decision, but he’s expected to stay at Leverkusen until June 2025… with release clause. pic.twitter.com/3ZychLFUYe

— Fabrizio Romano (@FabrizioRomano) March 28, 2024

Ish-reprezentuesi portugez është në bankinën e Sporting Lisbonës që nga viti 2020.

Me klubin e Lisbonës, ai fitoi një kampionat, dy Kupa dhe një Superkupë të Portugalisë dhe është në rrugë për të fituar një tjetër titull kampion.

Romano shtoi gjithashtu se Bayerni është ende në pritje të përgjigjes së Xabi Alonsos, i cili po e çon Bayer Leverkusenin drejt titullit kampion gjerman, por pritja do të jetë e kotë.

Përkatësisht, Alonso vendosi të qëndrojë në Bayer të paktën deri në fund të sezonit të ardhshëm dhe zgjedhja e tij i parë thuhet të jetë Real Madridi. /Telegrafi/