Liverpool arrin marrëveshje personale me Osimhen

Liverpool ka arritur një marrëveshje personale me Victor Osimhen të Napolit, sipas një gazetari të respektuar të Napolit, Valter De Maggio.

“Cfare ndodhi? Ka pasur përfshirjen e një klubi tjetër, nga Liga Premier. Unë jam duke folur për Liverpool-in”, tha De Maggio në Televomero.

“Do të kishte kontakte të shpeshta, por sapo mësova diçka tjetër: tashmë ka një marrëveshje të arritur. Më lejoni të jem i qartë: marrëveshjet do të ishtë mes Liverpool dhe lojtarit, kështu që nuk do të përfshinte Napolin.

“Shpresoj që presidenti i Napolit, Aurelio De Laurentiis, do të jetë në gjendje të mbajë Victor Osimhen të paktën deri në qershor, por nuk mund të jemi të sigurt”.

Burimet thonë se interesimi i Liverpool-it për sulmuesin është pikërisht arsyeja pse kampi i Osimhen u tërhoq nga negociatat me Napolin për një kontratë të re.

Besohet se Liverpool tashmë po planifikon jetën pa Mohamed Salah në vitin 2024. Nëse egjiptiani largohet, Osimhen mbetet objektivi kryesor i tyre.

Megjithatë, Napoli ende po insiston që ta mbajë lojtarin me kontratën e tij që skadon në vitin 2025. Chelsea është gjithashtu e interesuar për sulmuesin nigerian i cili vlerësohet në 120 milionë euro sipas Transfermarkt.

Osimhen shënoi 31 gola në 39 ndeshje sezonin e kaluar për të ndihmuar Napolin të fitojë Serinë A. Ai tashmë ka gjashtë gola në dhjetë ndeshje këtë sezon./Telegrafi/