Lirisht quajeni njeriu i Kupës së Botës: Kalon dy legjendat franceze dhe shikon drejt rekordit madhor

Kylian Mbappe është lojtari i momentit dhe Kupa e Botës po e nxjerr më të mirën e tij deri më tani.

Sulmuesi francez shënoi dy herë kundër Danimarkës dhe ishte rrezik konstant për portën e Kasper Schmeichel.

Ai kishte shënuar edhe ndaj Australisë në fitoren 4-1, ndërsa tani me tre gola është në krye të renditjes së top shënuesve së bashku me Ever Valencian e Ekuadorit.

Me tri golat e këtij Kampionat Botëror dhe katër në të kaluarin ai ka gjithsej shtatë gola.

Aktualisht ai ka kaluar legjenda si Thierre Henry me gjashtë gola dhe Zinedine Zidane e Michel Platini, që kanë nga pesë gola të shënuar në Kupat e Botës.

Me dy golat e sotme, ai ka gjithsej 31 gola me fanellën e Francës, duke kaluar Jean Pierre Papinin dhe Juste Fontainen, i cili në Kampionatin Botëror të vitit 1958 shënoi 13 gola, që mbetet rekord për një botëror. Zidane në anën tjetër ka 31 gola, rekord që do të thyhet shpejt nga Mbappe.

@KylianMbappe has now scored seven goals at the @FIFAWorldCup. The second highest by a French 🇫🇷 player.

13:JustFontaine
7: Kylian Mbappe
6: Thierry Henry
5: Zinedine Zidane
5: Michel Platini

Mbappe is just 23 years old. 🔥 pic.twitter.com/UHkiDzR6Kb

— FatwesTV (@FatwesTv) November 26, 2022

Me dy golat e sotme, siç e cekëm më lartë, Mbappe ka shtatë gola në Kupën e Botës, rekord që vetëm Pele e kishte arritur para moshës 24 vjeçare. Krahë për krahë me Pelen, nuk është edhe keq për yllin e ri.

Krejt në fund, duke parë ndeshjet para tij në këtë Kampionat Botëror (dy të sigurta), ai mund ta rrit numrin e golave dhe synimi sigurt është rekordi i Miroslav Kloses që ka 16 gola në Kupat e Botës. /Telegrafi/