Lipa publikon të tjera fotografi nga konferenca në Prishtinë, shpalos disa detaje të reja për themelimin e Akademisë Sunny Hill

Ardhja e yllit botëror, Dua Lipa, në Kosovë gjatë muajit gusht, krijoi shumë zhurmë mediatike.

Artistja me renome botërore ishte prezente në origjinën e saj bashkë me të dashurin, Anwar Hadid, për të ndjekur nga afër festivalin “Sunny Hill”, i cili organizohet nën patronatin e babait të saj, Dukagjin Lipës.

Ky i fundit bashkë me të bijën, njoftoi në konferencën a mbajtur për shtyp gjatë muajit gusht, se përveç festivalit dhe fondacionit, kanë nisur edhe themelimin e një akademie muzikore për të rinjtë me po të njëjtin emër, “Sunny Hill”.

Dukagjin Lipa publikoi së fundmi në rrjetin social Instagram disa fotografi nga konferenca e mbajtur gjatë muajit të kaluar, teksa njoftoi në mbishkrimin e fotografive për zhvillimet më të reja të Akademisë Sunny Hill.

https://www.instagram.com/p/B2WgNpAhU8i/

“Gjëra të shkëlqyera arrihen kur ju jeni të rrethuar nga miq të shkëlqyeshëm. Fondacioni Sunny Hill, konferenca për shtyp me Shpend Ahmetin, Kryetarin e Prishtinës dhe reprezentuesin Gëzim Gashi nga Qendra e Arteve dhe Inovacionit në Los Angeles. Faleminderit Quincy Jones për mbështetjen e projekteve të Sunny Hill në Kosovë, kjo përshëndetje me video vërtet na befasoi në konferencën për shtyp. Jemi shumë të entuziazmuar që kemi #QJP-në e tij si një nga gjykuesit Fondacionit tonë Sunny Hill! Alyssa Lein Smith, Shefe e Stafit dhe Menaxhere e Mediave në Quincy Jones do të jetë një nga tre gjyqtarët për Akademinë tonë të Arteve dhe Muzikës të Fondacioneve Sunny Hill”, ka shkruar Lipa në Instagram.

Ndërkohë, sivjet u bë e ditur po ashtu se duke filluar nga viti i ardhshëm, festivali “Sunny Hill” nuk do të organizohet më në Parkun e Gërmisë, por në një hapësirë më të madhe në Bërnicë, në periferi të Prishtinës. /Telegrafi/

https://www.instagram.com/p/B0v8KWjBsNo/