Limaj kujton bashkëluftëtarin e tij, Tahir Sinanin, vlerëson lartë jetën dhe veprën e tij

Kryetari i Nisma Socialdemokrate, Fatmir Limaj ka kujtuar rënien e bashkëluftëtarit të tij, të Ushtrisë Çlirimtare të Kosovës (UÇK) i cili vinte nga Shqipëria, Tahir Sinani.

Limaj përmes një statusi në rrjetin social në Facebook ka shkruar se ishte krenari që në rrugëtimin e tyre për liri të kishin përkrah edhe vëllezërit nga Shqipëria.

Ai tha se sot e kujton me pietet luftëtarin e paepur, patriotin si dhe njohësin e mirë të artit luftarak, heroin Tahir Sinanin.

“Nuk kishte më krenari që në rrugëtimin tonë për liri përkrah të kishim edhe vëllezërit tanë̈ nga Shqipëria, ashtu siç e kishim Tahir Sinanin nga Tropoja, komandantin e shquar të UÇK-së, që dha një kontribut të madh për Kosovën e lirë. Sot e kujtojmë̈ me pietet luftëtarin e paepur, patriotin e madh dhe njohësin e mirë të artit luftarak, i cili i dha shpirt e zemër luftës së UÇK-së. Pjesëmarrja e tij në tri luftëra çlirimtare tregon më së miri se, bashkëluftëtari im, Tahir Sinani, ishte një atdhetar i pashoq. Lavdi jetës dhe veprës së Tahir Sinanit. Lavdi të gjithë dëshmorëve të Kombit”, ka shkruar Limaj në Facebook. /Telegrafi/