Liga Premier: Chelsea filloi keq, City prek kreun

Kampionët e Ligës Premier kanë filluar shumë mirë vitin e ri, duke barazuar pikët me liderin e tabelës, Chelsean.

Manchester City, edhe pse me vështirësi, arriti të shënojë fitore 3-2 ndaj Sunderlandi dhe kështu dominon ekipin më të mirë të javës së parë të vitit 2015.

Gael Clichy luajti rol në të tre golat, duke bërë dy asistime. Yaya Toure shënoi gol për të tretën ndeshje radhazi në Ligën Premier, derisa Frank Lampard shënoi golin e fitores për Cityn, duke kaluar Thierry Henryn në listën e golashënuesve më të mirë të Ligës Premier (176 gola).

Harry Kane dhe Nacer Chadli ishin makthi i Chelseat në sfidën e parë të Vitit të ri në Ligën Premier dhe të dy përfshihen në ekipin e javës. Kane shënoi dy herë, derisa Chadli shënoi një herë dhe ndihmoi me dy asistime në fitoren 5-3 të Spurs ndaj Chelseat në White Hart Lane.

Ja formacioni i plotë i javës së parë të vitit 2015 në Ligën Premier:

Portier: JULIAN SPERONI (Crystal Palace);

Mbrojtës: TOBY ALDERWEIRELD (Southampton); CURTIS DAVIES (Hull City); MAMADOU SAKHO (Liverpool); GAEL CLICHY (Manchester City)

Mesfushorë: NACER CHADLI (Tottenham); YAYA TOURE (Manchester City); FRANK LAMPARD (Manchester City);

Mesfushorë të avancuar: MOUSSA SISSOKO (Newcastle); JEFFREY SCHLUPP (Leicester)

Sulmues: HARRY KANE (Tottenham).

/Telegrafi/