Lichtsteiner: Dua që Arsenali të bëhet konkurrues si Juve

Stephan Lichtsteiner thotë se arsyeja e transferimit te Arsenali është që t’i ndihmojë skuadrës që të ngritet në një nivel për të konkurruar sikur Juventusi.

Mbrojtësi zviceran iu bashkua Bianconerëve në vitin 2011 dhe që atëherë e ka fituar shtatë vite radhazi titullin e Italisë.

Happy and honoured to be a Gunner! Will work hard and passionately day in and day out to achieve our sportive objectives and to win trophies with this great club! @Arsenal pic.twitter.com/h32IueSSob

— Stephan Lichtsteiner (@LichtsteinerSte) June 5, 2018

Ndërsa gjatë të martës, ai iu bashkua Topçinjve si lojtar i lirë dhe ka të njëjtin qëllim, t’i ofrojë shërbimet e tij për ta bërë Arsenalin një klub konkurrues për trofe.

“Është një moment i shkëlqyer. Është gjë e mirë për mua që nga Juventusi vi te Arsenali dhe kam këtë sfidë të madhe për të bërë që të ndodhin gjëra të mëdha te ky klubi madh”.

Lexo po ashtu Të gjitha lajmet për Stephan Lichtsteiner

“Çfarë më ka tërhequr? Këtu është një projekt. Është projekti i kthimit në Ligën e Kampionëve. Mendoj se është vështirë që një klub si Arsenali nuk luan në Ligën e Kampionëve”.

🔴 Red for club, red for country 🇨🇭#WillkommenStephan pic.twitter.com/bFPTe6nHgu

— Arsenal (@Arsenal) June 5, 2018

“Nëse i shikon lojtarët, nëse e shikon klubin, stadiumin… është një projekt, një mundësi e madhe për t’u kthyer në nivelet më të larta”.

“Nuk kam luajtur asnjëherë kundër Arsenalit, por natyrisht se ka qenë një epoke e madhe e Wengerit. Ai ka fituar shumë trofe me Arsenalin dhe e ka bërë skuadër të madhe”.

“Tash është një moment i ri. Wengeri ka shkuar dhe gjithçka është paksa e re, prandaj është një sfidë e madhe”.

“Emery është një trajner shumë i mirë, i cili ka fituar shumë tituj, sidomos Europa Leaguen, ku luajmë sivjet”, ka deklaruar mbrojtësi i djathtë për Arsenal Media. /Telegrafi/

So what was it that attracted @LichtsteinerSte to @Arsenal?#WillkommenStephan pic.twitter.com/WFnAeLLHCw

— Arsenal (@Arsenal) June 5, 2018