“Më lejoni të sqaroj”, Xavi flet për mungesën e minutave të Vitor Roque

Trajneri i Barcelonës, Xavi Hernandez ka folur për mungesën e minutave të sulmuesit brazilian, Vitor Roque, i cili është transferuar në këtë afat kalimtar.

Xavi u pyet për mungesën e minutave të Vitor Roque gjatë konferencës së tij për shtyp për ndeshjen kundër Villarrealit të shtunën.

Disa gazetarë pyesnin veten nëse Roque ishte sjellë nga Deco apo ku është problemi që sulmuesi brazilian nuk po merr minuta mjaftueshëm.

Lexo po ashtu Man City u përpoq të nënshkruante Vitor Roquen, por talenti brazilian i refuzoi për Barcelonën

“Më lejoni të sqaroj: Vitor është një nënshkrim i Barcelonës, jo vetëm nënshkrimi i Decos. Ne të gjithë i besojmë atij”, u përgjigj fillimisht Xavi.

“Ditën tjetër ai nuk luajti për shkak të një vendimi taktik, por ai tashmë luajti kundër Betis dhe ai do të vazhdojë të jetë një lojtar që do të jetë i rëndësishëm për ne”, përfundoi Xavi.

Lexo po ashtu Lewandowski nuk mundi ta besojë humbjen e rastit nga Vitor Roque në debutim – ishte më e lehtë për të shënuar

Roque nuk luajti asnjë minutë për Barçën gjatë sfidës për Superkupën e Spanjës. Ai u paraqit për disa minuta kundër Betisit dhe u la sërish në stol në ndeshjen e Kupës në Bilbao.

Sulmuesi brazilian nuk ka filluar ende asnjë lojë që kur ai mbërriti te Barcelona dhe nuk ka arritur të japë një kontribut goli deri më tani. /Telegrafi/