Legjendat e modës shqiptare Kujta dhe Meri, nisin rrugëtimin e sukseseve në Izrael

Kujta & Meri nuk u bënë industri e madhe pa dëshmuar vlerat e Artit dhe të tillë dëshmuan talentin dhe punën që i bënë të veçantë e unik me krijimet artistike në veshjet ‘Couture’

Tashmë të dëshmuar, Kujta dhe Meri janë ndër emrat më të përmendur në mbarë botën për sukseset, vlerat, krijimtarinë artistike dhe kur bëhet fjalë për zgjedhjen e Artit të vërtetë, ata nuk i lënë vend askujt.

Suksesi i tyre i radhës është duke marrë vëmendjen e medieve më të mëdha siç është “Maariv”, medie zyrtare e Izraelit. Kjo, po cilësohet si bashkëpunimi i parë komercial midis Izraelit dhe Kosovës.

Sipërmarrësi dhe menaxheri i kësaj marrëveshje Elad Borenstein dhe Kujta & Meri, kanë filluar sendërtimin e marrëveshjes për rritjen e prodhimeve dhe shtrirjen e brendit në gjithë globin.

Të lumtur shumë me marrëveshjen, Kujta dhe Meri thonë se si asnjëherë më parë, kanë marrë mjaftueshëm energji pozitive për të ardhmen e brendit të tyre, transmeton Telegrafi.

Haute Couture nga Kujta & Meri, siç quhen në Kosovë “King of Couture”, do të shfaqet së shpejti me dizajnet e reja në Izrael.

Suksesi që erdhi sidomos pas projektit të fundit dhe historik të mbretëreshës së muzikës – Beyoncé, ka rritur interesimin e artistëve më të mëdhenj të botës për bashkëpunime të reja dhe kërkesën për dizajnet unike nga Kujta dhe Meri.

Tani suksesi i radhës vjen pikërisht nga Izraeli, vendi ku vetëm i palodhshmi dhe i vërteti e adhuron, sepse realiteti dhe jo vetëm dëshira për të qenë, zënë vend aty. Aty, ku duhet të dëshmosh artin nëse thua se je aty ku artizanati dëshmohet me duart e artistit dhe pastaj të bëhesh industri, duke lënë gjurmë dhe rrënjë me brendin, siç janë Kujta dhe Meri – një histori e përjetshme në Modë.

Jo më kot Izraeli hapi dyert për herë të parë një marrëveshje me legjendat Kujta & Meri. Në Kosovë ishin të parët dizajnerë që bënë revolucion në Modë, njohën publikun e gjerë me sfilatat e tyre.

Kujta e Meri sollën fytyra të njohura të modës dhe artit botëror në Kosovë, poashtu e njohu Hollywoodin direkt me Kosovën përmes krijimeve të veshjeve magjike dhe unike. /Telegrafi/