Lautaro: Dua ta fitoj trofeun e Ligës së Evropës me Interin

Lautaro Martinez pret me padurim finalen e Ligës së Evropës ndaj kundërshtarit të fortë, Sevilla, por thotë se dëshiron të fitoj trofeun e parë me Interin.

Finalja e madhe e Ligës se Evropës zhvillohet të premten n Koln të Gjermanisë me fillim nga ora 21:00 dhe Lautaro dëshiron trofeun.

“Jam shumë i lumtur sepse jemi shumë afër arritjes së një prej qëllimeve tona – të ngremë një trofe”, ka thënë fillimisht Lautaro për UEFA.com.

Lexo po ashtu Zhang Jindong: Ndeshjet e Interit janë gjithmonë plot pasion dhe entuziazëm, duam ta fitojmë finalen e Ligës së Evropës

“Le të shpresojmë që ndeshja jonë e fundit e sezonit të jetë një ditë e shkëlqyeshme, dhe ne do ta sjellim trofeun përsëri në Itali”.

“Mendoj se personaliteti i ekipit dhe etika e punës së përditshme kanë treguar se Interi po rritet dhe po ndërton për të arritur gjëra të mëdha. Dhe, si një shënim personal, unë dua të përpiqem të fitoj titullin tim të parë me Interin, i cili do të ishte shumë i veçantë”.

Lexo po ashtu Lukaku: Interi është këtu për të fituar

“Është finalja e parë për mua; kjo mund të nënkuptojë trofeun e parë të karrierës time”.

“Sevilla është një kundërshtar i fortë, që bën presion, përhapet në fushë dhe luan një futboll të shkëlqyeshëm. Kjo është arsyeja pse ata kanë arritur në finale”, përfundoi argjentinasi. /Telegrafi/