Largimi i Messit – tifozët e Barcelonës nuk blejnë biletat as për ndeshjen ndaj Bayern Munich

Gjendja financiare e Barcelonës mbetet ende e dobët, edhe pse drejtuesit janë duke bërë të pamundurën që të rregullojnë bilanacat, ndërsa shqetësimi i fundit është ai i mungesës së interesimit të tifozëve të tyre për t’u kthyer në “Camp Nou”.

Detajet dolën të premten ku klubi lëshoi në shtije 40 mijë bileta për tifozët vendas, ku vetëm 31,213 bileta janë shitur te tifozët e Barcelonës për ndeshjen me Bayern Munich.

Ajo që është alarmante për gjigantët katalanas është se kjo nuk është një lojë e dobët në grupe, por një takim me një nga klubet më të mëdha të Evropës.

Kjo nuk është një ngjarje e izoluar, sepse në ndeshjen e mëparshme kundër Getafe biletat nuk u shitën.

Nga 20,000 vende të disponueshme për ndeshjen në La Liga, 19,136 u shitën, dhe kjo duket sikur do të vazhdojë për pjesën më të madhe të sezonit.

Këto të dhëna bëjnë që bordi i Barcelonës të mendojë më shumë për të rregulluar marrëdhëniet me tifozët.

Mungesa e interesi te Barcelona ka të bëjë edhe me largimin e Lionel Messit./Telegrafi/