Laporta po mundohet t’ia ndryshojë mendjen Xavit: Në fund të sezonit do të flas me të

Barcelona do të pres Paris Saint Germainin në ndeshjen e kthimit çerekfinale në Ligën e Kampionëve, ku kërkojnë triumfin për të kaluar tutje.

Është një javë vendimtare për gjigantin katalunas, pasi përpos ndeshjes me Parisin në fundjavë do të përballet me Real Madridin në El Clasico.

Trajneri i Barcelonës, Xavi Hernandez ka deklaruar javë më parë se do të largohet nga klubi në fund të sezonit, por këtë vendim drejtuesit e klubit nuk po e pranojnë.

Lexo po ashtu Ka një mundësi që Xavi të mbetet te Barcelona edhe sezonin e ardhshëm, zbulohet përpjekja e Joan Laportas

Presidenti i Barcelonës, Joan Laporta ka deklaruar se do të bisedoj me Xavin në fund të sezonit për ta bindur atë që të vazhdoj qëndrimin te gjiganti katalunas.

“Gjithçka është e hapur dhe mund të rishikohet. Ne do të merremi me të në fund të sezonit, do të ulemi dhe të diskutojmë me qetësi për të ardhmen”.

Lexo po ashtu Laporta krijoi kaos pas barazimit të Barcelonës me Granadan, nuk e kontrolloi fare vetën dhe mbajti një fjalim të ashpër në zhveshtore

“Vitin e kaluar Xavi na bëri të lumtur dhe duam që të vazhdojmë të kemi produktivitet”, tha i pari i klubit katalunas.

44-vjeçari është në krye të gjigantit katalunas që nga nëntori i vitit 2021, derisa deri më tani ka udhëhequr klubin në 134 ndeshje dhe ka fituar një La Liga dhe një Superkupë të Spanjës. /Telegrafi/