Lampard kërkon top lojtarë në verë nga Chelsea: Vetëm kështu mund t’i rivalizojmë Liverpoolin e Cityn për titull

Frank Lampard i ka bërë me dije Chelseat se për të fituar trofe në sezonin e ri, ai kërkon transfero në këtë verë.

Trajneri anglez ka treguar formë të mirë në sezonin e tij të parë në krye të The Blues, pasi aktualisht gjendet në pozitën e katërt.

Por, legjenda e klubit që aktualisht është strateg i tyre, po kërkon transferime të top lojtarëve, në mynrë që të rivalizojë Liverpoolin dhe Manchester Cityn për titull.

“Kemi lojtarë të ri dhe lojtarë me eksperiencë që mund të na ndihmojnë, por janë disa pjesë që mund të përmirësohemi”, ka thënë Lampard.

“Kemi versione të ndryshme për afatin kalimtar. Mendoj se jemi duke shkuar në drejtimin e duhur dhe duhet të punojmë ditë pas dite”.

Lexo po ashtu Ish-trajneri i Chelseat, Hoddle: Lampard mund të fitojë Ligën Premier, nëse i lihen duart e lira si Jurgen Klopp te Liverpooli

“Nëse mund të sjellim lojtarë në pozitat e duhura, mund të na ndihmojnë dhe kjo mund të bëj që t’i afrohemi Liverpoolit dhe Manchester Cityt, kam besim të fortë që mundemi”, ka shtuar më tej ai.

Chelsea në verën e kaluar humbi lider e skuadrës, Eden Hazard që kaloi te Real Madridi dhe nuk arriti që të zëvendësojë atë edhe pse transferuan Christian Pulisicin nga Borussia Dortmundi. /Telegrafi/