​Lamborghini i jep lamtumirën “panaireve tradicionale” të makinave

Prodhuesi italian ka njoftuar se nuk do të marrë më pjesë në panairet tradicionale të makinave.

“Ne kemi vendosur të mos marrim pjesë në shfaqjet e makinave sepse gjithnjë e më shumë besojmë se një marrëdhënie e ngushtë me klientët është thelbësore, dhe panairet e sotme të makinave nuk janë në përputhje me filozofinë tonë”, tha kreu i marketingut i Lamborghini, Katia Bassi, në një intervistë për Autocar India.

Ndërsa Lamborghini nuk do të ketë më stenda në shfaqjet kryesore të makinave, kompania nuk heq dorë nga pjesëmarrja në disa ngjarje të tjera të makinave dhe shfaqjeve ekskluzive, siç është “Festivali i Shpejtësisë” në Goodwood, Angli, ose “Competition Elegance” në Pebble Beach, California.

Këto ngjarje janë bërë mini-ekspozita të makinave ekskluzive dhe super sportive vitet e fundit, pasi shumë kompani po mbajnë premierat botërore të modeleve të reja, të cilat më parë ishin të rezervuara kryesisht për Gjenevën, Frankfurtin ose Parisin.

Ky lajm është një goditje e re për panairet e makinave që janë tronditur nga kriza e coronavirusit, por edhe nga vendimet e mëparshme të prodhuesve të makinave që po kthehen gjithnjë e më shumë në ngjarje speciale dhe në internet për të lansuar modele të reja.

Disa ndryshime të mëdha ndodhën në kalendarin e panairit botëror edhe para pandemisë, kështu që panairi ndërkombëtar i Detroit, i cili u mbajt tradicionalisht në janar, u shty në qershor, por këtë vit nuk u mbajt për shkak të epidemisë, ndërsa Frankfurti mbeti pa ekspozitën e tij të famshme të makinave që u transferua në Munih.

Kujtojmë se deri më tani këtë vit, panairet në Gjenevë, Pekin dhe Nju Jork janë anuluar për shkak të coronavirusit. /kp/Telegrafi/