​Lajçak mbyll vizitën me takimin me ambasadorët e akredituar në Kosovë

I dërguari i Bashkimit Evropian për dialogun Kosovë-Serbi, Miroslav Lajçak ka përmbyllur vizitën në Kosovë me takimin e komunitetin ndërkombëtar ku i ka informuar për hapat e ardhshëm në dialog dhe pritjet në javët në vijim.

Ai pas vizitës në Kosovë, do të jetë në Beograd për dy ditë ku do të diskutoj për aneksin e zbatimit të Propozimit evropian.

“E fundit, por jo më pak e rëndësishme, e informova Komunitetin Ndërkombëtar në Kosovë për gjendjen e dialogut, hapat e ardhshëm dhe pritjet tona për ditët dhe javët në vijim. Mirënjohës për interesimin dhe mbështetjen e tyre”, ka shkruar  Lajçak të premten në orët e vona në Twitter.

I dërguari i BE-së gjatë vizitës së tij në Kosovë ia dorëzuar kryeministrit Albin Kurti 15 modele evropiane mbi rregullimin e të drejtave të minoriteteve, jo të asociacioneve. /Telegrafi/

Last but not least, I updated the International Community in Kosovo about the state of play in the Dialogue, next steps and our expectations for the days and weeks to come. Grateful for their interest and support. pic.twitter.com/TFuReO6n8y

— Miroslav Lajčák (@MiroslavLajcak) March 11, 2023