La Liga: Java e Barcës dhe Levantes

Barcelona i është kthyer efektivitetit vikendin e kaluar duke shënuar fitore të lartë 8-0 ndaj Osasunas, për të pushtuar ekipin më të mirë të javës.

Lionel Messi, Cesc Fabregas, Xavi dhe Eric Abidal, që të gjithë janë përfshirë në më të mirët e vikendit nga radhët e kampionit në fuqi të La Ligës.

Messi shoqërohet në sulm edhe nga Roberto Soldado, i cili i dha fitoren Valencias ndaj Sporting Gijon për ta mbajtur atë në krye të tabelës në prag të derbit të mesjavës përballë Barcelonës.

Radamel Falcao ka treguar se pse Atletico ia ka vlejtur të paguajë shumën rekorde për të, duke shënuar hat-trick në fitoren 4-0 ndaj Racing Santander në Vicente Calderon, dhe po ashtu rreshtohet në sulmin e javës.

Derisa Real Madridi nuk është i pranishëm me asnjë lojtar në mesin e më të mirëve të javës së tretë në La Liga, Levante, që mposhti pikërisht mbretërit, kontribuon me dy mbrojtës, Venta dhe Ballesteros, të cilët për mrekulli thyen sulmin ‘mbretëror’.

Në vazhdim më të mirët e vikendit në La Liga:

Portier: Juan Pablo (Sporting Gijon)

Mbrojtës: Javi Venta (Levante); Sergio Ballesteros (Levante); Adil Rami (Valencia);
Eric Abidal (Barcelona)

Mesfushorë: Cesc Fabregas (Barcelona); Xavi (Barcelona); Daniel Benitez (Granada);

Sulmues: Lionel Messi (Barcelona); Roberto Soldado (Valencia); Radamel Falcao (Atletico Madrid)

Formacioni 4-3-3

Pablo

Venta – Ballesteros – Rami – Abidal

Fabregas – Xavi – Benitez

Messi – Soldado – Falcao
/Telegrafi/