Parkimi në një garazh me dy makina është shumë i lehtë, por pronari i këtij BMW ka vendosur t’ia vështirësojë jetën vetes duke parkuar në këtë mënyrë.
Sipas mediave të huaja, përcjell Telegrafi, videoja e parkimit të çuditshëm të shoferit të BMW-së u shpërnda së fundmi në TikTok dhe tregon shoferin duke dalë në mënyrë të pasigurt nga garazhi.
Një video vijuese u postua më pas në internet, këtë herë duke treguar se si pronari hyn me kujdes në garazh.
Ashtu si ne, shumë njerëz kanë mbetur të hutuar se pse dikush do të parkonte kështu, por ka një arsye për të cilën mund të mendojmë.
Është e mundur që pronari i X3 të jetojë në një zonë ku vjedhjet janë mjaft të zakonshme dhe nuk dëshiron të rrezikojë që dikush të hyjë në garazh dhe të largohet me shpejtësi me veturën e tij.
Një nga komentuesit ka treguar se si babai i tij parkonte anash në garazhin e tij ashtu si kjo kur shkonte me pushime për të mbajtur të sigurt motoçikletën e tij, kështu që është e mundur që pronari i kësaj BMW gjithashtu dëshiron të mbajë diçka veçanërisht të sigurt në garazh. /Telegrafi/