Me t’u shkarkuar Frank de Boer, mediat në Itali kanë filluar të shkruajnë se kush do të jetë trajneri i ardhshëm i Interit.
Në fundjavë pritet që drejtuarit e Neroazzurrëve të mblidhen në Milano dhe të zgjedhin trajnerin e ri.
Në media po qarkullojnë emra si Guss Hiddink, Andre Villa-Boas, Lauren Blanc, Leonardo, Marcelo Bielsa, por listës i prinë Sefano Pioli.
Por, kush është Stefano Pioli?
Italiani në të kaluarën ka drejtuar klube si: Parma, Sassuolo, Chievo, Palermo, Bologna dhe si fundmi Lazio.
La Gazzetta dello Sport e përshkruan atë si një trajner shumë të ekuilibruar, por pak mediatik dhe i dhënë shumë pas taktikave.
Si trajner ai ka filluar nga të rinjtë, por me punë të madhe ka kaluar pothuajse gjithçka, promocione, fitore, humbje dhe shkarkime.
Aventura e fundit e tij ishte ajo me Lazion, ai arriti që deri në një periudhë të mbajë Lazion në vendin e tretë, por pastaj pësoi një rënie.
Luan me katër mbrojtës dhe me tre sulmues dhe i pëlqen të bëjë lojë të sigurt. /Telegrafi/
