Ministri i Shëndetësisë, Arben Vitia ka bërë të ditur masat e reja të ndalimi qarkullimit, që ka marrë për parandalimin e përhapjes së COVID-19, kurse vendimi hyn në fuqi të mërkurën me 15 prill.
Në faqen e Ministrisë së Shëndetësisë janë bërë publike tashmë detaje për mënyren se si do ta lejohet qarkullimi nga e mërkura e tutje.
“Nga data 15 prill (e mërkure), ora 06.00, me qëllim të mbrojtjes së jetës së juaj, në tërë territorin e Republikës së Kosovës, hyjnë në fuqi masat rigoroze të lëvizjes me qëllim të pamundësimit të përhapjes së mëtejme të pandemisë Covid-19. Çdo qytetar, nga data 15 prill së paku deri më 3 maj, do të ketë të drejte të lëvizjes vetëm për 90 minuta gjatë orarit të përcaktuar në bazë të numrit të PARAFUNDIT të numrit PERSONAL”, thuhet në njoftimin e Ministrisë së Shëndetësisë, ku është bërë publik edhe shembulli përmes fotografisë se në bazë të cilit numër do të lejohet dalja jashtë.
Gjithashtu është bërë e ditur se vetëm një orë e gjysmë do t’i ketë secili qytetar për të dal për tu furnizuar.
“Secili nga ju do të keni 90 minuta në dispozicion për të kryer shërbime bazike duke e respektuar distancën sociale dhe të gjitha rregullat e deritanishme për të mbrojtur shëndetin tuaj dhe shëndetin publik. Ata që do të shkelin masat e ndërmarra, do të ballafaqohen me pasoja ligjore”, thuhet në njoftim. /Telegrafi/
