Kush do të ulet në postin e ambasadorit: Tupançevski në Beograd, Kovaçevski në Paris, Zhernovski në Bukuresht?

“Focus” ditë më parë bëri të ditur se profesori universitar dhe ish ministër i Drejtësisë Nikola Tupançevski do të jetë ambasador i Maqedonisë në Serbi. Lidhur me këtë informacion, Tupançevski shkurt na është përgjigjur se për momentin nuk ka asgjë zyrtare.

Ndërkohë në opinion kanë ardhur edhe emra për poste të tjera ambasadore. Në atë drejtim, drejtori i djeshëm i SHA ESM, Vasko Kovaçevski, përmendet si ambasador i ardhshëm në Paris, ku duhej të shkonte ish-drejtori i DSK-së Viktor Dimovski, por çështja u komplikua për shkak të skandalit me Onishçenkon.

Më pas, ish-lideri i LDP-së dhe kryetari i Komunës Qendër, Andrej Zhernovski, i cili për një kohë të gjatë përmendej si ambasador i ardhshëm në Serbi, me gjasë do të shkojë në Rumani. Në shërbimin ambasador janë nisur edhe ish-drejtues të tjerë të PLD-së, Jovan Manasievski është në Ankara ndërsa Goran Milevski në Lublanë.

Drejtori i Arkivit Shtetëror, Emil Kërstevski, është zgjedhja për Pragën. Ai vjen nga DOM e Maja Moraçanin, e cila është pjesë e shumicës qeverisëse por gjatë kësaj periudhe kritikon mënyrën se si po shtyhet ndërtimi i seksioneve infrastrukturore nga “Bechtel dhe Enka”.

Për më tepër, diplomati i karrierës Igor Popov duhet të shkojë në Brazil, Pajo Aviroviç në OSBE, Xhank Sejfula në Stokholm, Shpend Sadiki në Izrael, Jasmin Qahil në Varshavë, Jakup Rexhepi në Sarajevë.

Siç kemi bërë të ditur tashmë, më shumë se 10 vendime për plotësimin e vendeve vakante të ambasadorëve kanë kaluar filtrin e qeverisë me propozim të Ministrisë së Jashtme dhe janë në pritje të përfundimit të procedurës, e cila parashikon marrjen e një dekreti nga Presidenti i shteti përpara se të shpallej publikisht.