Kush do ta zëvendësoj të lënduarin Rodri? Një lojtar i Cityt thotë se është 100 për qind i gatshëm

Ylli i Manchester City dhe i Spanjës, Rodri do të humbasë pjesën tjetër të sezonit 2023/24, pasi iu nënshtrua një operacioni për një dëmtim ACL të marrë gjatë ndeshjes së javës së kaluar në Ligën Premier kundër Arsenalit.

Kjo është një goditje e rëndë për kampionët, pasi Rodri kishte qenë në formë të shkëlqyer dhe konsiderohej një pretendent i fortë për Topin e Artë të këtij viti.

Megjithatë, menaxheri Pep Guardiola ka disa opsione të klasit të lartë për të plotësuar rolin e mesfushës mbajtëse, duke përfshirë Mateo Kovacic, Ilkay Gundogan dhe John Stones, i cili ka impresionuar në pozicione të ndryshme në mesfushë gjatë sezoneve të fundit.

Lexo po ashtu Man City përpilon listën prej katër yjeve për ta zëvendësuar Rodrin pas lëndimit të rëndë

Kur u pyet nëse ai është gati të mbulojë Rodri, John Stones tha: “Nëse kërkohet 100%”, deklaroi Stones.

“Kjo ka ndodhur shumë gjatë dy viteve të fundit, unë luajta në mesfushë. Ishte e vështirë në finalen e Ligës së Kampionëve të 2023 pasi isha më lart, gjë që ishte e re për mua, por më pëlqeu”.

“Çfarëdo pozicioni që më kërkohet të luaj, ose kushdo që luan në mesfushë, ka luajtur atje më parë dhe e di se çfarë kërkohet prej tyre nga trajneri. Dhe shpresojmë, ne mund të rikrijojmë momente edhe më të mira se finalja e Ligës së Kampionëve”, deklaroi Stones. /Telegrafi/