Kush mund të luajë nga fillimi dhe skema që pritet ta përdorë Mancini ndaj Shqipërisë

Roberto Mancini pritet të përdorë formacionin 3-4-3 në miqësoren e mbrëmjes së sotme kundër Shqipërisë në Tiranë, ku Giorgio Scalvini do të debutojë si titullar.

Azzurrët nuk janë kualifikuar në Katar për Kampionatin Botëror, ndaj do të luajnë dy ndeshje miqësore këtë javë. E para është sonte kundër Shqipërisë, e dyta të dielën me Austrinë.

Mancini do të përdorë formacionin 3-4-3 në stadiumin “Air Albania” me Bonuccin, Bastonin dhe Scalvinin në prapavijë dhe Gigio Donnarumma në portë.

View this post on Instagram

A post shared by Telegrafi Sport (@telegrafisport)

Scalvini bëri debutimin e tij për Azzurrët, duke ardhur nga stoli në një humbje 5-2 kundër Gjermanisë në qershor dhe do të fillojë ndeshjen e tij të parë me La Nazionale sonte.

Ylli i Napolit, Giacomo Raspadori do të jetë nga fillimi së bashku me Nicolo Zaniolon dhe Vincenzo Grifon, i cili së fundmi është bërë golashënuesi më i mirë italian në Bundesligë.

Mancini kishte thirrur 31 lojtarë për dy miqësoret e ardhshme, por Davide Frattesi, Gianluca Scamacca dhe Bryan Cristante u tërhoqën nga ekipi të hënën.

Formacioni i mundshëm i Italisë (3-4-3): Donnarumma; Scalvini, Bonucci, Bastoni; Di Lorenzo, Verratti, Tonali, Dimarco; Zanioli, Raspadori, Grifo. /Telegrafi/