Kanye West dhe Kris Jenner ishin në prapaskenën e sfilatës së Balmain për vjeshtë 2016 dhe Kim ishte ngjitur në skenë. Jo fizikisht domethënë, por të gjitha modelet i ngjanin asaj.
Kendall Jenner dhe të gjitha të tjerat ishin transformuar për t’u dukur si Kim. Kishin vendosur paruke bionde, kishin veshur ngjyrat monokromë që ajo preferon dhe fundet e ngushta që tregojnë çdo formë.
“Format janë shumë të rëndësishme. Femrat e sotme janë të mbushura dhe një frymëzim për të gjithë. Njësoj si yjet e dikurshëm të pop-it”, tha Olivier Rousteing, drejtori kreativ i Balmain.
Sfilatat e Olivier kanë dalluar gjithmonë për diversitet gjinie dhe nacionaliteti, por këtë herë kishim dhe diversitet moshash.
Cindy Crawford, Claudia Schiffer dhe Naomi Campbell—50, 45 dhe 45 ishin protagonist të fushatës pranverë 2016.
Mesazhi i kësaj sfilate ishin trupat e dekoruar: perla, mëndafsh dhe qëndisje. “Në të shihnim femrën e fortë dhe seksi njëkohësisht”, tha Kris Jenner.
Ashtu si Kim, Rousteing provokon ndjenja urrejtje ose dashuri. Dhe ashtu si muza e tij, ai nuk po lëshon pe kur vjen puna tek vizioni i tij. Përse duhet ta bëjë në fund të fundit kur shitjet kanë arritur majat?!
