Kumanovë, padi penale për mësuesin që ka punuar me diplomë të falsifikuar

SPB Kumanovë ka ngirur kallëzim penal kundër B.J (46), i punësuar si mësues, sepse ekziston dyshimi i veprës penale “keqpërdorim të pozitës zyrtare dhe autoritetit”, “nxitje” dhe “përdorim të dokumenteve të falsifikuara” dhe Z.K. (50) nga Shkupi, nëpunës, për çështje studentore në Universitetin “Shën Klimenti i Ohrid”, për shkak të dyshimeve të veprave penale të veprave të vazhdueshme penale të “shpërdorimit të pozitës” dhe veprën e vazhdueshme penale “falsifikim”, transmeton Telegrafi Maqedoni.

B.J. në vitin 2005 ka ardhur në kontakt me Z.K, duke e inkurajuar atë për ta regjistuar në Fakultetin Pedagogjik dhe për t’i siguruar një çertifikatë të studimeve të përfunduara. Personi i dytë, keqpërdorim të pozitës zyrtare në dokumentacionin e Fakultetit Pedagogjik, në regjistrin e nxënësve të regjistruar dhe librin kryesor të studentëve të diplomuar në mënyrë të paligjshme ia ka mundësuar marrjen e çertifikatës.

Me këtë, personi i parë, më 15.05.2008 çertifikatën e kishte të përgatitur me sistem të përfundimit VII-1 – i diplomuar si profesor për mësim klasor.
Pas kësaj, B.J. nga viti 2009 deri në vitin 2012, çertifikime të tilla ka përdorur në gjashtë raste të përdorura juridikisht si të vërteta, dhe në bazë të të njëjtit ka punuar si zëvendësues në shkollën “Naim Frashëri” në Kumanovë.

Personi i dytë, nga ana tjetër, ka shkaktuar dëme në buxhetin e Universitetit Shtetëror në vlerë prej 98,400 denarë. /Telegrafi/