Kulla e Rapunzelës ekziston dhe pamjet brenda saj janë mahnitëse, por sa kushton një natë

Masat e vendosura për shkak të pandemisë i kanë bërë udhëtimet më të vështira dhe na duhet të mjaftohemi me vendet e afërta

Mirëpo, britanikët janë me fat, pasi mund të vizitojnë një vend të mrekullueshëm që ndoshta jo të gjithë e njohin.

Bëhet fjalë për një kullë mahnitëse të stilit të Rapunzelës, e cila ndodhet në Parkun Kombëtar piktoresk Snowdonia në Uellsin e Veriut.

Ndërtesa gotike e shekullit XIX, e cila quhet kulla Brynkir, ka gjashtë kate me nga një dhomë që lidhen me njëra-tjetrën nga një shkallë spirale prej guri.

Sipas të dhënave në faqen e internetit të Sykes Holliday Cottages, një qëndrim 2-netësh në këtë vend kushton 482 paundë (537 euro)

Brenda, ka dy dhoma gjumi, një dhomë ndenje, kuzhinë dhe banjo.

Dhoma e ndenjes qëndron në majë të kullës, duke siguruar pamje të pabesueshme të fshatrave që shtrihen në çdo drejtim.

Dritaret me hark të zbukuruar kanë një pamje mahnitëse nga çdo kat, ndërsa dera e rëndë prej druri e ndërtesës është provë e vjetërsisë së saj.

Sidoqoftë, kulla është rinovuar dhe ka WiFi, së bashku me një TV dhe DVD player, si dhe një kuzhinë plotësisht të kompletuar.