KSLM nuk do të nënshkruajë marrëveshjen e përgjithshme kolektive të propozuar nga Qeveria

Konfederata e Sindikatave të Lira të Maqedonisë (KSL) nuk do të nënshkruajë Marrëveshjen e Përgjithshme Kolektive për Sektorin Publik të propozuar nga Qeveria, për të cilën Këshilli Ekonomik dhe Social i Qeverisë sot pasdite do të mbajë seancë tjetër.

Kryetari i KSL-së, Bllagoja Ralpovski, në një konferencë për media tha se gjatë bisedimeve me ministrat nuk janë pajtuar me paragrafin 2 të nenit 14 të draft marrëveshjes së përgjithshme kolektive, për të cilën ai tha se është pengesë. Deri më tani nuk e kanë bërë publike mosmarrëveshjen sepse prisnin që Qeveria të ndryshojë qëndrim duke e lënë jashtë tekstit, gjë që siç thanë po fshihet nga opinioni, por deri më tani nuk kanë marrë ndonjë ofertë të re.

Në nenin 14 të propozimit, të cilin KSL-ja e prezantoi para mediave, në paragrafin e parë shkruhet se “Paga bazë bruto e punonjësve në sektorin publik rritet me 10 për qind, duke filluar me pagesën e pagës së shtatorit në vitin 2023″.

Kontestues për KSL-në është paragrafi i dytë, ku thuhet: “Nëse indeksi i kostos së jetesës në gjashtëmujorin e parë të vitit 2024 kalon 3 për qind, paga bazë bruto e punonjësve të sektorit publik rritet në përqindje sa diferenca ndërmjet rritjes së indeksit të kostos së jetesës me normën e vendosur prej 3 për qinq”.

Në paragrafin e tretë të nenit 14, shkruhet se “përqindja e rritjes së pagës nga paragrafi 2 i këtij neni zbatohet me pagesën e pagës së shtatorit në vitin 2024”./Telegrafi/