Kryetari i Skenderajt kërkon nga bujqit të aplikojnë për kompensimin e dëmeve nga breshri

Një stuhi shiu dhe breshri ka përfshirë sot disa zona të Komunës së Skenderajt, duke shkaktuar dëme në bujqësi.

Kryetari i Komunës së Skenderajt, Bekim Jashari, përmes një postimi në rrjetin social Facebook, u ka bërë thirrje qytetarëve që nga java e ardhshme të aplikojnë për kompensim të dëmeve si pasojë e reshjeve të fundit.

“Reshjet e shiut dhe breshëri i rënë sot në disa fshatra të komunës sonë, fatkeqësisht ka shkaktuar shumë dëme në kulturat bujqësore të fermerëve tone”, ka shkruar Jashari.

“Si qeverisje komunale kemi të formuar komisionin për verifikimin e dëmeve të shkaktuara nga fatkeqësitë natyrore, andaj kërkoj nga ju që gjatë javës së ardhshme të aplikoni në komunën tonë për kompenzim të dëmeve, të cilat pas vlerësimit nga komisioni komunal do të përcillen drejtë Ministrisë së Bujqësisë për kompenzim”, shtoi tutje Jashari.

Lexo po ashtu Stuhi shiu dhe breshëri në Drenas dhe Skenderaj

Jashari ka motivuar fermerët që të  vazhdojnë punën e tyre dhe të mos ndalen si shkak i dëmeve të tilla.

“Të dashur fermerë, dëmet e tilla nuk duhet të ju ndalin në punën tuaj të shkëlqyer në kultivimin e fidaneve dhe kulturave tjera bujqësore.