Kryetari i ri i New Yorkut kërkon ta merr rrogën me Bitcoin

Kryetari i zgjedhur i bashkisë së New Yorkut, Eric Adams, planifikon të konvertojë pagën e parë në Bitcoin, pasi ai u zotua të enjten për ta bërë qytetin më mikpritës ndaj kriptovalutave.

Adams njoftoi në një postim në Twitter se do të merrte tre pagat e para në Bitcoin kur të bëhej kryetar i qytetit.

Adams po i përgjigjej kryebashkiakut të Miamit, Francis Suarez, i cili tha se do të merrte gjithashtu pagën e tij të ardhshme në Bitcoin.

In New York we always go big, so I’m going to take my first THREE paychecks in Bitcoin when I become mayor. NYC is going to be the center of the cryptocurrency industry and other fast-growing, innovative industries! Just wait!

— Eric Adams (@ericadamsfornyc) November 4, 2021

Zëdhënësi i fushatës së Adams, Evan Thies sqaroi më vonë se kryebashkiaku i zgjedhur do ta konvertonte pagën në Bitcoin përmes një shkëmbimi. Qytetit i mungon një mekanizëm për të nxjerrë paga në çdo gjë tjetër përveç dollarëve.

Njoftimi ishte një deklaratë e qartë e mbështetjes politike për kripto, dhe pason vërejtjet që Adams bëri këtë javë duke treguar se dëshiron të tërheqë më shumë vende pune në kriptovaluta në New York dhe ndoshta të krijojë një monedhë dixhitale për qytetin.

Kriptovaluta ende përballen me pengesa të mëdha si një mjet për pagesat e përditshme, pjesërisht sepse tatohet nga IRS si pronë. Ka gjithashtu pyetje se si një pagë e bazuar në Bitcoin do të lidhej me ligjet federale të punës. Është e paqartë se kush do të kontrollonte “portofolin” dixhital që qyteti do të duhej të përdorte për të paguar Adamsin. /Telegrafi/