Kryetari i Federatës së futbollit të Bullgarisë, Mihaylov, jep dorëheqje nga pozita e tij pas abuzimeve raciste të tifozëve bullgarë ndaj Anglisë

Kryetari i Federatës së futbollit të Bullgarisë, Borislav Mihaylov, ka dhënë dorëheqje nga pozita e tij pas abuzimeve të mbrëmshme raciste të tifozëve bullgarë në ndeshje me Anglinë.   

Ka qenë kryeministri i Bullgarisë, Boyko Borissov, që ka kërkuar dorëheqjen e tij shkaku i ngjarjeve në stadium dhe abuzimeve raciste drejt lojtarëve anglezë në humbjen 6-0.

Madje disa fansa gjatë ndeshjes kanë pasur edhe përshëndetje naziste dhe imitim zërash të majmunëve.

Kryeministri Borissov shkroi në rrjetet sociale, kur e kërkoi largimin e kryetarit të federatës.

“I bëj thirrje Borislav Mihaylov që menjëherë të largohet nga pozita e presidentit të Unionit Bullgar të Futbollit!”, ka shkruar ai në rrjetin social Facebook.

Me një deklaratë të BFU (Federata e futbollit bullgar) thuhet se Mihaylov është i shqetësuar për tensionet, por nuk përmendet racizmi në deklaratën e tij.

Në Vasil Levski Stadium, ku Bulgaria i zhvillon ndeshjet, ka pasur sanksione edhe për ndeshjen me Kosovën dhe Republikën e Çekisë.

Mihaylov, ish portier i Reading, ka luajtur në tri Kampionate Botërore, ndërsa ka qenë edhe anëtar i Komitetit të UEFA-s. /Telegrafi/