“Krijesa absolutisht të sëmura”, Zelensky dënon sulmin rus me raketa në spitalin Dnipro

Presidenti ukrainas, Volodymyr Zelensky ka dënuar ata që qëndrojnë pas një sulmi vdekjeprurës me raketa ruse në një klinikë mjekësore në Dnipro duke i cilësuar “krijesa absolutisht të sëmura”.

Ai gjithashtu thotë se dy persona kanë vdekur dhe më shumë se 30 persona janë plagosur, raporton skynews.

Në video-fjalimin e natës, ai thotë se “sot kam marrë raporte për situatën në qytetin e Dnipros dhe për pasojat pas sulmeve të tjera”.

Today 🇬🇪 Georgia celebrates Independence Day. I greet all the people of Georgia and wish them to be together with us and all other European nations in a free, peaceful and united European family. I wish this for the entire Georgia – and those parts of your country that are still… pic.twitter.com/zo7MZhclUY

— Volodymyr Zelenskyy / Володимир Зеленський (@ZelenskyyUa) May 26, 2023

“Është një mizori e pastër, një raketë ruse, balistike kundër një spitali dhe një klinike veterinare. Krijesa absolutisht të sëmura”, shtoi lideri ukrainas.

Ai thotë se po punon çdo ditë për të sjellë sisteme të reja të mbrojtjes ajrore për të ndihmuar në mbrojtjen e qyteteve dhe qyteteve të Ukrainës nga sulmet ajrore ruse.

Lexo po ashtu Rusia do të shesë shtëpinë e pushimit të Zelenskyt në Krime për të financuar pushtimin në Ukrainë

Theksojmë se sot autoritetet ruse do të shesin shtëpinë e pushimit të Zelenskyt në Krime për të financuar pushtimin në Ukrainë.

Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit të kaluar duke shkaktuar mijëra viktima dhe dëme të shumta materiale. /Telegrafi/