Kreu i Wagner thuhet se ofroi të zbulonte vendndodhjet e trupave ruse në Ukrainë – nëse Kievi përmbushte një kusht

Kreu i forcave mercenare Wagner ofroi të ndihmonte Ukrainën duke i ofruar informata rreth vendndodhjeve të trupave ruse nëse Kievi tërhiqte forcat e tij nga Bakhmuti.

Kështu, siç raportojnë mediat botërore, përcjell Telegrafi, sugjerojnë disa dokumente të Pentagonit.

Yevgeny Prigozhin në janar tha se do t’i tregonte shërbimit të inteligjencës pozicionet e ushtarëve të Vladimir Putinit, raportoi Washington Post, duke cituar dokumentet e zbuluara.

Por Ukraina e hodhi poshtë ofertën mes mosbesimit ndaj Prigozhin.

Prigozhin ka kërcënuar vazhdimisht se do ta tërheqë mercenarët e Wagner nga Bakhmut nëse forcat e rregullta të armatosura të Rusisë nuk dërgojnë më shumë municion.

Javën e kaluar, ai tha se trupat e tij po merrnin vetëm 10 për qind të predhave që u nevojiteshin.

Lexo po ashtu Rusia e pranon se dy komandantë të saj janë vrarë në luftimet në Ukrainë

Dokumentet e zbuluara zbuluan gjithashtu se në janar Volodymyr Zelensky komplotoi për të ‘kryer sulme në Rusi’ ndërsa lëvizte trupat tokësore në territorin e armikut për të ‘pushtuar qytete të paspecifikuara kufitare ruse’.

Por Zelensky hodhi poshtë pretendimet si ‘fantazi’, por mbrojti të drejtën e tij për të përdorur taktika jokonvencionale në mbrojtjen e vendit të tij.

Që nga java e kaluar, shefi i grupit Wagner ka kërcënuar vazhdimisht se do të tërheqë ushtarët e tij nga Bakhmut nëse forcat e armatosura të rregullta të Rusisë nuk dërgojnë më shumë municion.

Ushtarët e Wagner kanë qenë në ballë të një ofensive të përgjakshme ruse për të marrë qytetin e Bakhmut.

Mediat raportuan se oferta e Prigozhin erdhi përmes kontakteve të tij me shërbimin e inteligjencës të Ukrainës.

Në dokumentin e zbuluar nuk ishte e qartë se cilat pozicione të trupave ruse Prigozhin kishte ofruar të zbulonte. /Telegrafi/