Krani gjigant filloi të sillej, copëzat e materialit ndërtimor binin në rrugë – panik në Manhattan

Një kran gjigant në maje të një ndërtese të lartë në Manhattan kishte filluar të lëviz nga erërat e forta, duke bërë që copëza të materialit ndërtimor të bien nga ndërtesa dhe të përfundojë në rrugë.

Në vendin e ngjarjes ishin dërguar menjëherë ekipe të shumta të zjarrfikësve, por nuk dihet nëse dikush është lënduar, transmeton Telegrafi.

Policia e Nju Jorkut ka paralajmëruar këmbësorët që të shmangin këtë zonë për shkaqe sigurie. E njësia për mirëmbajtje dhe ndërtim, ka njoftuar se krani ishte vënë nën “kontroll”, por ishin erërat e forta ato që e kishin sjell.

Organet kompetente kanë paralajmëruar kompaninë që kryente punimet, që të sigurojnë pajisjet me qëllim që erërat e forta të mos i dëmtojnë apo hedhin në tokë, siç edhe mund të ndodh nga uragani Zeta që po shkatërron gjithçka para vetes në pjesën jugore të bregut amerikan. /Telegrafi/

Out of control crane atop 85-story building under construction in NYC at 111 W 57th at 6th Avenue https://t.co/PPUCVytDX3

— Keith Olbermann (@KeithOlbermann) October 29, 2020