Kovacic thumbon Chelsean në prezantimin e tij te Manchester City

Mateo Kovacic është deklaruar për herë të parë si lojtar i Manchester Cityt.

Mesfushori kroat iu bashkua kampionit të Ligës Premnier nga Chelsea me një kontratë deri në vitin 2027.

Kovacic ka thënë se është tejet i lumtur me kalimin te Citizens, derisa ka thumbuar edhe Blutë, duke thënë se City është ekipi më i mirë në botë.

Lexo po ashtu Mate Kovacic transferohet zyrtarisht te Manchester City

“Kjo është një lëvizje e shkëlqyer për mua dhe mezi pres të luaj me Cityn”, deklaroi kroati.

“Çdokush që e ka parë këtë ekip nën drejtimin e Pep e di se sa të mirë janë ata – për mua, ata janë më të mirët në botë. Trofetë që ata kanë fituar janë të qarta për të gjithë, por ata janë gjithashtu skuadra më e mirë e futbollit atje.

“Të bashkohesh me këtë skuadër është me të vërtetë një ëndërr për çdo futbollist”.

https://twitter.com/ManCity/status/1673737986796851200

“Unë kam ende shumë për të mësuar dhe zhvilluar për të bërë, dhe e di që nën drejtimin e Pep mund të bëhem një lojtar më i mirë, gjë që është vërtet emocionuese për mua”.

“Plani im tani është të pushoj për disa javë përpara se të kthehem në Mançester për t’u përgatitur për sezonin e ri. Unë dua ta ndihmoj këtë klub të qëndrojë në krye dhe të fitojë më shumë trofe”, ka shtuar më tej Kovacic. /Telegrafi/

Mateo Kovacic joins City! 🙌

Read more 👇

— Manchester City (@ManCity) June 27, 2023