Konsulli i shkarkuar Lutfi Bilalli e quan Konjufcën ministër i ‘Qeverisë Burdushi’

Pas Esheref Haxhiut, ka reaguar edhe Lutfi Bilalli, konsull i shkarkuar ditën e djeshme nga ministri i Punëve të Jashtme Glauk Konjufca.

Përmes një shkrimi në llogarinë e tij në Facebook, ai nuk ka kursyer fyerje drejtuar Qeverisë Kurti dhe ministrit Konjufca.

Vendimin për shkarkimin e konsujve, Bilalli e ka quajtur spastrim politik dhe reagimet si “manifestim i revolucionarëve”.

Ndërkaq konsulli Esheref Haxhiu ka thënë se nuk është parimore, etike, e as profesionale, mbase as edhe ligjore, që diplomatët të kumtojnë në kanale publike kontestet e caktuara ligjore e politike.

Haxhiu ka kontestuar vendimin e ministrit Konjufca, duke ia bërë të ditur atij se zgjedhja konsul në Katar ishte bërë konform të gjitha procedurave të konkursit dhe intervistimit.

Lexo po ashtu Reagon njëri nga 14 konsujt e shkarkuar, akuzon Konjufcën për shkelje të ligjit

Eshref Haxhiu ishte Konsull në Ambasadën e Republikës së Kosovës në Doha/Katar, ndërkaq Lutfi Bilalli – Konsull në Konsullatën e Republikës së Kosovës në Frankfurt, Gjermani.

Postimi i plotë

“O debilla (turma pa tru) shkurtoni naj dru te shpija e hyni në banjo (pastronu ) hiqni morrat nga koka se i ashtuquajturi ministër i qeverisë Burdushi po ju hipnotizon.

A e ke ni për at ministrin e Burdushit si zgerdhihet si “Pelë e Rahoves” ai është në gëzim që u emru minister ( në qejfë të nuses), por vizitori i Burdushit i dobtë dhe me njohuri të cekta i cili nuk e ka hallin e qytetarve as mirëqenjen e tyre po hall e ka rehatin dhe lluksin e vet .

Lexo po ashtu Konjufca shfuqizon vendimin e kundërligjshëm për emërimin e 14 konsujve

Spastrime politike: 1981 , 1990 , 2020 Paria e pushtetarve : Urraaaa partizan lufta e klasave ka filluar! Turma: t’i vrasim e t’i varni në litarë! Ky është manifestimi i revulucionarve të rinjë. Por forcat progresive dhe demokratike nuk do lejojnë që zgjebat e revulucionarve ta kontaminojnë Kosovën!”, ka shkruar ai.

Lutfi Bilalli që ishte diplomata në Gjermani, ndërkaq, ka qenë në listën e PAN për deputet, e kjo gjë vërehet lehtësisht në profilin e tij në Facebook, njofton Telegrafi.