Kryetari i Kuvendit të Republikës së Kosovës, Glauk Konjufca, në pritjen shtetërore të organizuar nga krerët institucionalë me rastin e 24 vjetorit të Çlirimit të Kosovës, iu adresua të pranishmëve, duke theksuar se kjo ditë përveç festimi e gëzimi për çlirimin nga Serbia, është edhe ditë kujtimi, falënderimi e reflektimi.
Duke e konsideruar 12 qershorin njërën ndër datat më të rëndësishme historike për popullin, kryetari Konjufca rikujtoi rrugën e gjatë dhe plot sakrifica të përpjekjes shekullore për t’i dhënë fund okupimit e për ta përmbysur padrejtësinë.
I pari i Kuvendit kujtoi Komandantin Legjendar Adem Jashari dhe të gjithë të rënët, dëshmorët e heronjtë e Kosovës, duke përmendur se gjaku i tyre është fuqia e pathyeshme e themeleve të shtetit të lirë e të pavarur të Kosovës. Kryetari Konjufca përmendi edhe veprimtarët, intelektualët, profesorët, studentët, shkrimtarët e udhëheqësit e shquar, të cilët i prinë në çdo fazë popullit shqiptar në rrugën e lirisë e pavarësisë.
Kreu i Kuvendit kujtoi veprimtarin ikonik Adem Demaçi, presidentin historik Ibrahim Rugova, intelektualin tribun Ukshin Hoti dhe strategun e rezistencës paqësore, Fehmi Agani.
“Projekti i çlirimit dhe pavarësisë së Kosovës kurrë nuk ishte një përpjekje kundër të tjerëve, por një kauzë e barazisë për të gjithë popullin e Kosovës, pavarësisht përkatësisë kombëtare, etnike, religjioze a gjuhësore”, potencoi ndër tjera kryeparlamentari Konjufca.
Duke theksuar se populli ynë e ka paguar shtrenjtë çmimin e çlirimit dhe pavarësisë nga Serbia, e cila ka përdorur çdo mjet të spastrimit etnik, i pari i Kuvendit tha se shqiptarët bënë sakrifica të mëdha, përjetuan dëbime të dhunshme, burgosje, keqtrajtime e diskriminime, shpronësime, shpërngulje, vrasje e masakrime.
Po ashtu, kryetari Konjufca gjatë fjalimit të tij falënderoi të gjithë miqtë dhe aleatët që kanë dhënë kontributin dhe ndihmën e tyre për çlirimin e Kosovës nga regjimi gjenocidal serb, duke përmendur rolin e çmueshëm të Shteteve të Bashkuara të Amerikës, shteteve mike të NATO-s e të Bashkimit Europian.
“Kurrë më Serbia s’do të mund ta bëjë atë që bëri në Kosovë”, shtoi më tutje kryetari Konjufca.
Fjalimin e tij kreu i Kuvendit e përmbylli duke theksuar se secili pushtetar e qytetar, në veprimtarinë e vet nuk duhet të harrojë se Kosova është atdheu ynë i vetëm dhe se përfytyrimin më të mirë për Kosovën e kanë pasur ata që kanë rënë për çlirimin dhe lirinë e saj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Aksident mes dy veturave të Policisë në Prizren
Milloshoski: Jemi në situatë të palakmueshme, por ky është dëmi nga nënshkrimi i marrëveshjes për fqinjësi të mirë me Bullgarinë nga LSDM dhe BDI
Prej sot hyn në fuqi Ligji për praktika të padrejta tregtare, pritet ulja e çmimeve për 2500 produkte
Ndryshim moti në fundjavë, nga e diela rënie e temperaturave
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Kurti në takim me kryeministrin e Kroacisë: Serbia mbetet faktor destabilizues e kërcënues i rajonit
Imami Maliqi njofton se do të rifillojë mësimin nxënësja nga Peja që u largua për shkak të mbulesës
Lajçak deklarohet pas takimit me Kurtin në New York
Kështu do të llogariten çmimet e reja të sigurimit të detyrueshëm të automjeteve në Shqipëri
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Delegacioni turk dhe delegacione të tjera u larguan nga salla gjatë fjalimit të Netanyahu në OKB
Kjo verë ishte më e ngrohta e regjistruar në Evropë - por jo për të gjithë
Turki Alalshikh ka gjetur kundërshtarin e radhës për Daniel Dubois
Zelensky ua paraqet politikanëve amerikanë 'planin e fitores' – tregon se për çfarë bëhet fjalë