Kongresisti amerikan Torres: Serbia t’i tërheq trupat nga kufiri, po përshkallëzon situatën

Kongresisti amerikan, Ritchie Torres ka reaguar ndaj dislokimit të madh të trupave të Serbisë përgjatë kufirit me Kosovën.

Torres në një postim në X shkruan se është i alarmuar me këtë dislokim të madh dhe të sofistikuar të forcave serbe, ndërkaq ka kërkuar nga Serbia t’i tërheqë trupat.

“Si një përkrahës dhe aleat krenar dhe i palëkundur i Republikës së Kosovës, jam gjithnjë e më i alarmuar nga raportimet për një dislokim të madh dhe të sofistikuar të forcave serbe përgjatë kufirit Serbi-Kosovë”, shkruan ai.

As a proud and steadfast supporter and ally of the Republic of Kosovo, I am increasingly alarmed by reports of a large and sophisticated deployment of Serbian forces along the Serbia-Kosovo border.https://t.co/c81TXSMcio

— Rep. Ritchie Torres (@RepRitchie) September 29, 2023

Sipas tij, ky është një vazhdim i hapur i cenimit nga Serbia kundër Kosovës që po përshkallëzon tensionet në mënyrë të panevojshme për një kohë të gjatë.

Lexo po ashtu SHBA i kërkon Serbisë të tërheqë trupat ushtarake nga kufiri me Kosovën

“Unë i mbështes thirrjet e administratës së Bidenit që Serbia të tërheqë menjëherë këto forca. Serbia duhet të de-përshkallëzojë situatën, të kërkojë llogari nga përgjegjësit për sulmet e dhunshme të fundit dhe të respektojë pavarësinë e Kosovës, si një komb sovran”, shkruan ai. /Telegrafi/

This is a blatant continuation of militarized encroachment by Serbia against Kosovo that’s been escalating tensions unnecessarily for far too long. I support calls from the Biden Administration for Serbia to withdraw these forces immediately.

— Rep. Ritchie Torres (@RepRitchie) September 29, 2023