Komentuesi e akuzon se nuk këndoi ‘live’ në Botëror, Era i kundërpërgjigjet

Këngëtarja Era Istrefi i ka bërë krenarë shqiptarët anë e mbanë globit me performancën e djeshme në Luzhniki Stadium.

Së bashku me Will Smith dhe Nicky Jam, ata performuan këngën “Live it up”, në ceremoninë hapëse të finales së Botërorit.

Së fundmi, ajo publikoi disa imazhe nga performanca e saj në Instagram, të cilat i shoqëroi me mbishkrimin: ” Gjurmët e performancës së kaluar, një nga ditët më të bukura të jetës sime”.

Përkundër komenteve të mira dhe të shumta në rrjetet sociale, nuk kanë munguar edhe kritikat.

Një nga komentuesit në rrjetet sociale i ka shkruar këngëtares: “Sinkronizimi i buzëve ishte mbresëlënës”, duke aluduar kështu që Era nuk ka kënduar “live”.

Por, i menjëhershëm kaq qenë reagimi i saj, pasi këngëtarja i është kundërpërgjigjur komentuesit, duke thënë se ka kënduar live, por në videon e publikuar në YouTube, nuk është prezantuar versioni live që ajo këndoi.

Lexo po ashtu Era: Një prej ditëve më të bukura në jetën time

“Mund t’i shikosh videot dhe të më dëgjosh duke kënduar “live. Shpresoj se do ta rregullojnë zërin kur t’i postojnë performancën zyrtare të videos”, ka qenë përgjigja e Erës.

Për performancën e saj mahnitëse, Era mori komplimente të shutma edhe nga artistet tjera shqiptare me famë ndërkombëtare si Dua Lipa dhe Rita Ora. /Telegrafi/