Kololli: Kjo është njëra ndër ndeshjet më të rëndësishme – shpresoj se Andi Zeqiri do të vije te ne

Në një intervistë për mediumin zviceran, Blick.ch, Benjami Kololli ka thënë se ndeshja ndaj Maqedonisë së Veriut në gjysmëfinalen e play-offit të Ligës së Kombeve, do të jetë ndeshja e jetës së tyre.

Ndeshja që fillon sonte nga ora 20:45, do të luhet në Shkup, gjersa djelmoshat tanë do të bëjnë të pamundurën që të kalojnë në finalen e play-offit.

“Kjo është njëra ndër ndeshjet më të rëndësishme për ne, për gjithë vendin tonë dhe për trajnerët”, ka thënë fillimisht Kololli.

“Challandes? Ai u bë kampion i Zvicrës, por ne tani synojmë ta shkruajmë historinë. Do të ishte sukses i pabesueshëm kualifikimi në evropian”.

Në rast të fitores së sontme në Shkup, Kosova luan në finale me fituesin e duelit, Gjeorgji – Bjellorusi më 12 nëntor.

“Në garat e mëdha, kam luajtur vetëm në Ligën e Evropës. Kampionati Evropian do të ishte një dimension i ri. Jam i bindur se mund ta bëjmë këtë edhe pse me disa mungesa”, u shpreh ai.

Kosovës sonte i mungojnë Amir Rrahmani, shkaku i rasteve me COVID-19 te Napoli, Milot Rashica, Vedat Muriqi dhe Samir Ujkani, që janë të paqëndrueshëm fizikisht.

Është përfolur shumë për ardhjen e Andi Zeqirit te Kosova, derisa Koloolli për situatën e tij ka thënë hapur: “Natyrisht, shpresoj se Andi Zeqiri do të vije te ne. Nëse duam të ëndërrojmë për sukses të madh, të gjithë futbollistët e mirë duhet ta zgjedhin Kosovën. Sa më shumë konkurrencë, aq më mirë për ne”.

“I kam thënë atij ta përcjell zemrën e tij kur të vendosë. Jo prindërit, jo kolegët dhe jo tifozët”.

“Gjithashtu shpresoj se edhe Toma do ta zgjedhë Kosovën, ai është një tjetër talent i ri me potencial të madh”, përfundoi mesfushori i Genk.

Lojtari 21-vjeçar është pjesë e rëndësishme e Përfaqësueses tonë dhe sonte do të tentojnë që me çdo kusht të kalojë në finalen e madhe të Ligës së Kombeve, për një vend që dërgon në Kampionatin Evropian që luhet në verën e vitit 2021. /Telegrafi/